鮨處松戶 (彩星集團大廈)

營業中

休息中

雜錦刺身（上）$450刺身拼盤有吞拿魚、油甘魚、三文魚、帶子、甜蝦、𩶘魚、海膽。吞拿魚揀咗赤身嘅部位，睇落去會深紅色啲，但係食落去油脂少所以魚味濃郁啲。三文魚腩油脂十足，滿口油香。𩶘魚淡紅白肉，有着淡淡嘅甘香同埋鮮甜。鮨處松戶海鲜沙律$95 餐廳好特別，加入咗天婦羅薄薄嘅炸衣喺面。食沙律嘅同時炸衣脆卜卜嘅口感，食落去額外開胃。海鮮沙律裏面有三文魚、魷魚、吞拿魚等等唔同嘅刺身粒。加埋大大粒嘅三文魚子，每一啖都係海洋嘅鮮味。鹽燒雞翼$68 開邊咗之後嘅雞翼更加容易食，並且炭燒完脆卜卜嘅雞皮食落去非常惹味。燃燒嘅調味料只係得鹽，所以非常可以食到食材本身嘅味道。沖繩苦瓜豬肉炒雞蛋$88 沖繩苦瓜口感爽脆，食落去微甘嘅感覺好有特色。加埋豬肉同埋雞蛋之後簡直係沖繩家家戶戶嘅特色菜，佢濃郁嘅苦味同埋豬肉熱炒之後會有一種令人食上癮嘅甘苦味。