影片
更多
2021-09-12
37 瀏覽
胡爐之前本來係一間高級嘅單點火鍋店，最近喺尖沙咀呢間分店推出左半自助套餐，但係食物質素仍能保持一貫水準，唔會將價就貨，所以梗係要嚟試吓啦！呢個半自助入面包左一個煲，一個海鮮拼盤，一個胡爐拼盤，一個手工丸餃拼盤，當然唔少得任點任食火鍋配料。佢哋依家仲做緊優惠，兩個人就送上大大隻嘅麵包蟹。即拆即食當小食，蟹膏蟹肉都好鮮甜，令人一食上癮。胡爐雞煲：我哋揀咗雞煲，佢哋嘅雞煲上檯就可以食，雞肉夠哂嫩滑，又夠入味，佢哋嘅雞煲用左秘製嘅醬汁，食得出有好重嘅花椒藤椒嘅味道，夠哂惹味。海鮮拼盤：有鮑魚，海蜆，海蝦，扇貝。樣樣都夠哂新鮮，鮑魚扇貝嘅肉夠厚，鮮甜又彈牙，海蝦蝦肉夠爽口，而蜆食落好乾淨，一粒沙都食唔到。胡爐拼盤：入面有澳洲和牛，牛舌芯，黑毛豬豚肉呢三款。牛舌芯較少用嚟作火鍋，肉香爽口，黑毛豬豚肉肉味夠哂濃，我自己就最鍾意和牛，牛味濃郁，又夠油香，有入口即化嘅口感。手工丸餃拼盤：入面包括有黑松露墨魚丸，手打蝦丸，芝心丸，泰皇鮮蝦雲吞，XO醬帶子餃，魚皮餃。而我覺得最欣賞嘅係黑松露墨魚丸同埋XO醬帶子餃。前者爽口彈牙，黑松露味夠哂濃，食完都仲有餘香喺口腔入面，而後者夠哂惹味，帶子用料夠新鮮，唔會話
胡爐之前本來係一間高級嘅單點火鍋店，最近喺尖沙咀呢間分店推出左半自助套餐，但係食物質素仍能保持一貫水準，唔會將價就貨，所以梗係要嚟試吓啦！呢個半自助入面包左一個煲，一個海鮮拼盤，一個胡爐拼盤，一個手工丸餃拼盤，當然唔少得任點任食火鍋配料。
佢哋依家仲做緊優惠，兩個人就送上大大隻嘅麵包蟹。即拆即食當小食，蟹膏蟹肉都好鮮甜，令人一食上癮。
胡爐雞煲：我哋揀咗雞煲，佢哋嘅雞煲上檯就可以食，雞肉夠哂嫩滑，又夠入味，佢哋嘅雞煲用左秘製嘅醬汁，食得出有好重嘅花椒藤椒嘅味道，夠哂惹味。
海鮮拼盤：有鮑魚，海蜆，海蝦，扇貝。樣樣都夠哂新鮮，鮑魚扇貝嘅肉夠厚，鮮甜又彈牙，海蝦蝦肉夠爽口，而蜆食落好乾淨，一粒沙都食唔到。
胡爐拼盤：入面有澳洲和牛，牛舌芯，黑毛豬豚肉呢三款。牛舌芯較少用嚟作火鍋，肉香爽口，黑毛豬豚肉肉味夠哂濃，我自己就最鍾意和牛，牛味濃郁，又夠油香，有入口即化嘅口感。
手工丸餃拼盤：入面包括有黑松露墨魚丸，手打蝦丸，芝心丸，泰皇鮮蝦雲吞，XO醬帶子餃，魚皮餃。而我覺得最欣賞嘅係黑松露墨魚丸同埋XO醬帶子餃。前者爽口彈牙，黑松露味夠哂濃，食完都仲有餘香喺口腔入面，而後者夠哂惹味，帶子用料夠新鮮，唔會話有陣陣嘅雪味。
佢哋任點任食嘅火鍋配料同外面餐廳嘅都差唔多，大部份嘅菜類肉類麵食等配料都有提供，而任點食物入面竟有廣島蠔，Size都幾大隻都幾飽滿。
張貼
