影片
更多
2025-04-01
0 瀏覽
喺尖沙咀行街行到下午茶時段，就嚟咗呢間港式甜品店休息吓😎 小店主打各式中式甜品同煎炸點心，仲有啲新式嘅綿綿冰甜品，總有一款啱口味🤔下午茶套餐有得揀招牌糖水或飲品，再加三款小食😚 非常推介招牌蛋白杏仁茶👍🏻 味道香濃，係個好養生嘅甜品，滋補滋顏🥰 小食方面，鮮炸蝦卷、吉列炸蟹腳同埋炸雞軟骨，幾款都係即叫即炸，上碟時熱辣辣。黃金雪山呢個甜品係芒果椰汁雪燕綿綿冰，呢個價錢有埋雪燕都幾抵食😛 底下嘅綿綿冰係椰汁口味，加埋面頭有雲呢拿雪糕。配料方面有雪燕、椰果、西米、新鮮芒果同埋芒果汁🥭 我哋仲額外加配咗煙韌嘅小丸子，覺得同芒果嘅味道好夾。生磨河南芝麻糊係碗好濃郁嘅芝麻糊，入面仲食到啲好幼細嘅芝麻殼，所以就知道係餐廳自家製嘅生磨芝麻糊嚟🙈 每個套餐仲包括咗一杯清茶，以伯爵茶為主調，再加咗其他茶葉調配，細細杯口感好有層次🤭 整體嚟講係間幾用心嘅甜店小店🤩
下午茶套餐
有得揀招牌糖水或飲品，再加三款小食😚 非常推介招牌蛋白杏仁茶👍🏻 味道香濃，係個好養生嘅甜品，滋補滋顏🥰 小食方面，鮮炸蝦卷、吉列炸蟹腳同埋炸雞軟骨，幾款都係即叫即炸，上碟時熱辣辣。
黃金雪山
呢個甜品係芒果椰汁雪燕綿綿冰，呢個價錢有埋雪燕都幾抵食😛 底下嘅綿綿冰係椰汁口味，加埋面頭有雲呢拿雪糕。配料方面有雪燕、椰果、西米、新鮮芒果同埋芒果汁🥭 我哋仲額外加配咗煙韌嘅小丸子，覺得同芒果嘅味道好夾。
生磨河南芝麻糊
係碗好濃郁嘅芝麻糊，入面仲食到啲好幼細嘅芝麻殼，所以就知道係餐廳自家製嘅生磨芝麻糊嚟🙈
每個套餐仲包括咗一杯清茶，以伯爵茶為主調，再加咗其他茶葉調配，細細杯口感好有層次🤭 整體嚟講係間幾用心嘅甜店小店🤩
張貼
