影片
更多
2023-06-28
379 瀏覽
每次經過尖沙咀海旁都會見到BluHouse呢間意大利菜，望住個海景食西餐，諗起都覺得好chill🥰，所以成日心思思想嚟試吓。咁啱有朋友約一齊慶祝生日，就決定一試😍 我哋係週末嘅午餐時段去嘅，當日餐廳唔算太full，我地坐咗喺近門口嘅位置，雖然唔太望到維港，但景觀都好開揚，加上餐廳內部好透光，所以都坐得好舒服。BluHouse入面有好多唔同區域，除咗Menu上嘅選擇之外，仲可以去唔同區揀嘢食，而我哋嘅位置前面就係pastry 部同埋Venchi嘅gelato部。 Rigatoni Alla Carbonara 🍝($230)呢間餐廳嘅Carbonara煮法好正宗，用咗一般超市比較難搵到嘅Guanciale，喺煮之前預先煎香，食落非常香脆可口，為carbonara加入滿滿嘅油脂感同咬口。另一方面，佢哋嘅意粉係用粗管意粉，相比起傳統意粉，佢顯得非常掛汁，每一啖都食到蛋、豬肉同芝士好濃郁嘅蛋香肉香，非常滿足😚只係食到後期就開始有啲膩，所以建議大家都係share比較好！ Rotisserie Chicken served warm with Potatoes and Mushrooms 🍄 🥔🐓
我哋係週末嘅午餐時段去嘅，當日餐廳唔算太full，我地坐咗喺近門口嘅位置，雖然唔太望到維港，但景觀都好開揚，加上餐廳內部好透光，所以都坐得好舒服。BluHouse入面有好多唔同區域，除咗Menu上嘅選擇之外，仲可以去唔同區揀嘢食，而我哋嘅位置前面就係pastry 部同埋Venchi嘅gelato部。
Rigatoni Alla Carbonara 🍝($230)
呢間餐廳嘅Carbonara煮法好正宗，用咗一般超市比較難搵到嘅Guanciale，喺煮之前預先煎香，食落非常香脆可口，為carbonara加入滿滿嘅油脂感同咬口。另一方面，佢哋嘅意粉係用粗管意粉，相比起傳統意粉，佢顯得非常掛汁，每一啖都食到蛋、豬肉同芝士好濃郁嘅蛋香肉香，非常滿足😚只係食到後期就開始有啲膩，所以建議大家都係share比較好！
Rotisserie Chicken served warm with Potatoes and Mushrooms 🍄 🥔🐓($398)
BluHouse用嘅雞標榜係無激素、無抗生素嘅走地雞，因此肉質比較厚實。我哋今次嗌咗半隻嘅烤雞，揀咗Salt and Rosemary，因為雞肉醃咗成六個鐘，加上烹飪嘅時候用咗明火慢焗，食出嚟嘅生熟程度啱啱好，有保留到雞本身嘅肉汁，而香草嘅份量嘅啱啱好，唔會搶走本身雞肉嘅鮮味。最值得一提係佢嘅配菜，薯仔同蘑菇都係用雞油同雞汁煮成，食落非常之香，甚至仲驚艷過雞嘅本身，另上嘅紅黃椒亦都好好食，非常值得推介😋
Tiramisu ($98)
去得意大利餐廳點可以唔試佢哋嘅Tiramisu，我同朋友都好鍾意BluHouse嘅tiramisu，咖啡同酒香好平均，各自都唔會太搶，加上佢嘅口感好細滑，一啖一啖咁食，雖然好飽，但都好快清晒😍絕對係我係香港食過數一數二好食嘅tiramisu！
總括嚟講， BluHouse嘅食物都幾有質素，以尖沙咀海旁呢個地段嚟講，佢嘅價錢雖然都唔平幾進取，但餐廳好啱慶祝特別場合，訂枱落返個remark，甜品就會有多張有埋壽星公個名嘅生日牌仔😍唯一要挑剔一下嘅就係人手唔係太夠，以呢個價錢嚟講，服務就有改善嘅空間啦，但整體都唔太影響用餐體驗嘅～
張貼
