夜首爾

營業中

休息中

呢間餐廳我已經唔係第一次食啦，嗰日有同事生日，問我尖沙咀有啲咩好食嘅推介，一班人可以一齊食，又可以坐耐啲我諗到嘅就係韓燒店，咁我最後就揀咗呢間同一大班人食啦。嗰日嗌咗一個四人餐，再自己加上食嘅小食，又有叫酒又叫咗好多嘢食飽到上心口，埋單我記得都唔係話好貴，但之前同少啲朋友一齊去食就好似感覺冇咁抵食啦。最正就係套餐入邊嘅牛板腱，燒到入口即溶又唔會好似和牛咁樣成嚿油咁，但係有少少肉咁，包住菜食真係一流，我記得嗰個海鮮煎餅都好好食，個煎餅好足料，點住啲酸酸地嘅汁又解膩又好食。而且當晚俾啲韓式小菜都俾得好多好夠，最鍾意食韓國餐廳，因為有好多小菜哈哈😂😂