Amitie Kitchen

營業中

休息中

尖沙咀厚福街一向多餐廳，今次我去咗上樓嘅西餐廳食飯，呢度燈光暗暗地，裝修幾有英式feel，幾有情調，見有幾枱人係呢度慶祝緊生日。佛羅倫斯蕃茄燉牛肚，平時食牛肚都係係中式點心或者車仔麵見得多，第一次見用係西餐上，配搭咗蕃茄汁去煮都ok，仲加咗芝士落去焗，佢跟咗2塊好脆嘅多士，放啲蕃茄落去食幾好味。美國頂級西冷牛扒，5成熟，呢塊300幾蚊，有少少貴，不過好在佢煎得幾香，同埋幾鐘意佢嘅配菜伴碟，有煙肉薯仔、燒粟米、蘿蔔等等。士多啤梨朱古力窩夫，窩夫個樣幾靚仔，有朱古力粒、藍莓同士多啤梨做襯托。另外叫咗2杯飲品，分別係熱情果梳打同水果茶。水果茶幾大杯，仲幾多水果，仲見到有粒話梅係入面。