1
2
✨A4和牛鍋（200G） $428
套餐包咗一份蔬菜籃同兩隻日本蘭王蛋。蔬菜籃有白菜、皇帝菜、金菇、香菇、豆腐、大蔥、粉絲、芝士獅子狗等，幾豐富～ 湯底有三款可以揀：壽喜燒、日式豬骨湯、韓式泡菜鍋。我揀咗壽喜燒，同和牛最夾！
湯汁唔會太濃或者太甜，味道平衡得啱啱好，唔會搶咗和牛本身嘅風頭。A4和牛油脂分布均勻，同湯底微甜味道好夾，點埋蘭王蛋漿更加正，蛋汁令到牛肉嘅口感更順滑濃郁，食多幾塊都唔會覺得膩！唔係幾夠喉，仲追加咗多一份和牛$288 同埋一份烏冬$38。
另外仲追加咗上刺身拼盤 $308
拼盤有帶子、油甘魚、北寄貝、赤蝦、三文魚、劍魚腩同八爪魚等，刺身全部都好新鮮，厚薄適中。個人最鍾意劍魚腩，爽口但同時充滿油脂香氣！赤蝦同帶子都鮮甜又大件。
