影片
更多
2019-04-26
566 瀏覽
尖沙咀抵食推介，套餐全隻片皮鴨每位一百有交易！仲送免費兒童餐成日都聽朋友講古琴雅苑超值抵食又好食， 個個食完都話正。唔信！要試過先知！即時約齊朋友去試下佢個八人餐。 去到餐廳連餐牌都唔睇！就叫8人餐(A餐)，加埋一埋單總共 $863 真心抵！ 其實我地唔止八個人，仲有幾個bb,但最正係bb免費送兒童餐。 名義上填完顏色就獎勵一份兒童餐！實際上大筆一揮就有喇。而且仲可以俾佢畫下畫，唔洗嘈住人地食飯。真係好細心，抵讚。 重頭戲《#烤北京填鴨》全鴨，烤完新鮮推出嚟，師傅喺你面前片皮。重點推介「一口酥」 ，喺全隻鴨最尊貴部分。一隻鴨只有幾8件左右，沾砂糖食，入口酥脆，咬落油香四溢，酥香無比。回味無窮.... 當然啦，烤得出咁正嘅一口酥，成隻鴨都一樣咁好食啦！用嚟配鴨包嘅配料，除左一般蔥蒜外，仲多左蜜瓜，令片皮鴨包多左一份清甜。皮脆肉嫩唔油膩。平時我食片皮鴨3件左右已經太油食唔到。但呢間我起碼食到6件。 當然唔可以自私要留俾其他人啦。但份量都多，大家都好滿足！點解呢間啲鴨咁正？據了解，原來師傅師承北京百年傳統北京填鴨老店 - 「全聚德」。冇機會去北京都可以食到。做香港人真好..做尖沙咀返工嘅人更
烤北京填鴨
19 瀏覽
0 讚好
0 留言
成日都聽朋友講古琴雅苑超值抵食又好食， 個個食完都話正。唔信！要試過先知！即時約齊朋友去試下佢個八人餐。 去到餐廳連餐牌都唔睇！就叫8人餐(A餐)，加埋一埋單總共 $863
真心抵！ 其實我地唔止八個人，仲有幾個bb,但最正係bb免費送兒童餐。 名義上填完顏色就獎勵一份兒童餐！實際上大筆一揮就有喇。而且仲可以俾佢畫下畫，唔洗嘈住人地食飯。真係好細心，抵讚。
重頭戲《#烤北京填鴨》全鴨，烤完新鮮推出嚟，師傅喺你面前片皮。重點推介「一口酥」 ，喺全隻鴨最尊貴部分。一隻鴨只有幾8件左右，沾砂糖食，入口酥脆，咬落油香四溢，酥香無比。回味無窮.... 當然啦，烤得出咁正嘅一口酥，成隻鴨都一樣咁好食啦！用嚟配鴨包嘅配料，除左一般蔥蒜外，仲多左蜜瓜，令片皮鴨包多左一份清甜。皮脆肉嫩唔油膩。平時我食片皮鴨3件左右已經太油食唔到。但呢間我起碼食到6件。 當然唔可以自私要留俾其他人啦。但份量都多，大家都好滿足！
點解呢間啲鴨咁正？據了解，原來師傅師承北京百年傳統北京填鴨老店 - 「全聚德」。冇機會去北京都可以食到。做香港人真好..做尖沙咀返工嘅人更好。成日可以食到。
小朋友送嘅兒童餐都好好，有小朋友最愛甜點桂花糕。有茶有肉有包，肉絲夾包好好味，最貼心有薏米水。好味又有益。
其實個餐超多野，除左鴨之外仲有好多野：
松花皮蛋拌豆腐：平時我唔食皮蛋㗎，但呢個醬汁加埋豆腐，真係好食，我都食左唔少。
花雕醉雞 ，花雕香醇，雞夠滑。
宋嫂鮮魚羹
金銀炒鱔糊，鱔糊鮮甜
雞絲粉皮
和菜戴帽，炒麵。不過我好飽食左少少。味道唔錯！
雪菜肉絲炒年糕，我好鐘意個年糕。夠軟糯，又入味！好難得。
推隻鴨出嚟果下心諗。呢個排場位位冇4百都埋唔到單啦！但呢餐埋單位位一百左右，真係邊度搵？ 真心推介，好食又抵食。已經再約左下次再嚟。
張貼
