十和田總本店

營業中

休息中

今次嚟開tst，食咗兩個幾抵嘅lunch set。🐟午市壽司套餐 ($128)套餐有14件壽司咁多，有吞拿魚、立魚、帶子、三文魚、魷魚、🦐蝦壽司、海膽軍艦同三文魚籽軍艦，仲有🥒6件青瓜小卷。 另外仲有個味噌湯，濃淡啱啱好。 刺身都幾鮮，特別係個海膽，幾有海水味😋 蝦壽司個蝦頭仲要有少少膏。壽司飯係醬油色，帶有淡淡醬油味但唔咸。🍽刺身拼鰻魚飯 ($138)朋友乜都想試下，於是嗌咗個刺身併鰻魚飯。刺身蝦、三文魚、油甘魚同吞拿魚，全部厚切！三文魚、油甘魚嗰啲都幾肥美。 .鰻魚有半條咁多，另外仲配味噌湯同蒸蛋，蒸蛋幾滑，入面有白果、蟹柳、魚片、冬菇，用料十足，呢個set真心超值。