哈豆

營業中

休息中

喺工廠大廈入面有依間台灣菜，裝修比較普通，但價錢幾合理，入到去坐都好多嘢食。台灣牛肉湯麵湯底濃郁帶藥材味！好味有驚喜。麵條用台灣刀削麵，彈牙可口，主菜牛肉係厚切牛展，肉質軟腍，味道怡人，香氣四溢。另有半隻滷蛋同生菜。哈豆台灣牛肉湯麵屬回頭之選台灣腸份量幾多，食落甜甜地，又Juice，係好地道嘅台灣菜式！鹽酥雞炸得幾香脆，食落亦都好香口五寶拼盤肉燥飯一次過試晒全部野，花枝丸同墨魚丸質素唔錯。肉燥撈飯亦都好開胃，份量算多，幾鍾意依個可以滿足晒咁多個願望嘅肉燥飯。豆漿綠茶台式奶茶就飲得多，台式豆漿茶就未飲過，係香港都少見，但應該健康過台式奶茶。吸一口豆漿綠茶，綠茶味佔7成，豆漿味佔3成，感覺新奇有趣，但未必個個啱飲。