影片
更多
2020-03-30
393 瀏覽
【Moroko】『香港篇-油尖旺區』今天出完海天氣依然寒冷，原先Book了旺角的麻辣火鍋川婆婆，可惜原來柏裕中心分店那間已經停業。好彩對面Moroko既OPPA熱心咁解答我地既問題，釋去我地既疑慮，I am very thanks them，所以我地決定一行四人去幫親佢。其實未入門口已經覺得個門面好靚，好適合打卡影相，入到去環境真係不得了。點會估到呢間少女心Design 既餐廳會係一間泰式菜，牆上面仲有D霓虹燈可以打下卡影下靚相。門口仲會有個Bar 位可以見到OPPA們型爆咁工作。因為我地人唔多同埋唔係好餓既關係，所以我地今次點左四個菜已夠經充夠。分別有香煎帶子青檸蟹肉酥盒、泰式青咖哩意大利飯伴黃金軟殻蟹、泰式豬肉生菜包及泰式辣茄汁墨魚麵伴香煎美國帶子。每道菜既賣相真係見得下人，睇得出係有用心去設計過。酥盒黎講帶子夠哂大隻，蟹肉亦入味，蟹肉量夠哂豐滿，唔錯！泰或豬肉生菜包竟然估唔到夠哂辣，辣得夠哂過癮，單憑外表估唔佢係辣得咁抵死。泰或辣茄汁墨魚麵中規中距，係D帶子伴碟令到個麵顯得出式。最後想介紹既就係最驚喜既泰式青咖哩意大利飯伴黃金軟殻蟹，幫你用青咖哩撈埋落D飯到做成意式燴飯已經夠哂F
『香港篇-油尖旺區』
今天出完海天氣依然寒冷，原先Book了旺角的麻辣火鍋川婆婆，可惜原來柏裕中心分店那間已經停業。好彩對面Moroko既OPPA熱心咁解答我地既問題，釋去我地既疑慮，I am very thanks them，所以我地決定一行四人去幫親佢。
其實未入門口已經覺得個門面好靚，好適合打卡影相，入到去環境真係不得了。點會估到呢間少女心Design 既餐廳會係一間泰式菜，牆上面仲有D霓虹燈可以打下卡影下靚相。門口仲會有個Bar 位可以見到OPPA們型爆咁工作。
因為我地人唔多同埋唔係好餓既關係，所以我地今次點左四個菜已夠經充夠。分別有香煎帶子青檸蟹肉酥盒、泰式青咖哩意大利飯伴黃金軟殻蟹、泰式豬肉生菜包及泰式辣茄汁墨魚麵伴香煎美國帶子。
每道菜既賣相真係見得下人，睇得出係有用心去設計過。酥盒黎講帶子夠哂大隻，蟹肉亦入味，蟹肉量夠哂豐滿，唔錯！泰或豬肉生菜包竟然估唔到夠哂辣，辣得夠哂過癮，單憑外表估唔佢係辣得咁抵死。泰或辣茄汁墨魚麵中規中距，係D帶子伴碟令到個麵顯得出式。
最後想介紹既就係最驚喜既泰式青咖哩意大利飯伴黃金軟殻蟹，幫你用青咖哩撈埋落D飯到做成意式燴飯已經夠哂Fusion 夠哂過癮，重點係黃金軟殻蟹將蛋黃醬涂上軟殻蟹每個角落，夠哂出色。相比上幾個Post 既Shake Shake魚皮(黃金醬另上)真係有哂誠意有哂功夫，極力推介。
總括黎講，呢間餐廳充滿住少女心、細緻、細心，好適合情侶拍拖或者一班生活品味既鍊金術士黎品嘗。
各位鍊金術士有興趣都可以試下，歡迎PM 交流下。
識食‧你都會係食の鍊金術士
泰式辣茄汁墨魚麵 伴 香煎美國帶子
$148
34 瀏覽
0 讚好
0 留言
泰式豬肉生菜包
$98
24 瀏覽
0 讚好
0 留言
香煎帶子青檸蟹肉酥盒
$88
22 瀏覽
0 讚好
0 留言
泰式青咖哩意大利飯 伴 黃金軟殻蟹
$168
25 瀏覽
0 讚好
0 留言
題外話/補充資料：
下單食物包括:
1.香煎帶子青檸蟹肉酥盒($88)
2.泰式青咖哩意大利飯 伴 黃金軟殻蟹($168)
3.泰式豬肉生菜包($98)
4.泰式辣茄汁墨魚麵 伴 香煎美國帶子($148)
評分 💯 (5分為滿分)
味道 : 👍👍👍👍(泰式Fusion菜夠哂Fresh)
性價比 : 💲💲💲 (食物質素唔錯，環境佈置都值番)
環境：🌴🌴🌴 🌴 (場地佈置夠靚有誠意，打卡一流)
服務態度：🗿 🗿 🗿 🗿 (員工夠Sharp醒，Respond夠哂快)
敗北地方：部分泰式菜可以濃味些，回復泰式風味。
(以上食評乃用戶個人意見 , 並不代表OpenRice之觀點。)
張貼
