初味

營業中

休息中

星期六family day，去玩之前醫飽個肚先。去咗天后嘅初味，呢度係食西餐。餐廳氣氛唔錯，有水晶燈同掛畫，幾有feel。同老公一人叫一個set lunch。我叫咗烤西班牙黑毛豬柳配燒虎蝦，老公就揀咗烤美國牛柳配明太子帶子。每個套餐都包咗一杯紫椰菜湯，同一份沙律及飲品。我嘅黑毛豬柳非常juicy，少少肥勁多肉汁，而且我覺得好香。豬扒下面係烤蔬菜，有豆角，茄子，薯角等。試咗老公嘅牛柳，牛味香濃。 明太子帶子超好食，面頭嘅明太子惹味，帶子烤得外脆內嫩，唔會overcooked。又發掘多一間小街內的高質西餐廳，下次再幫襯！