王牌冰室 (Savannah Place) (已結業)

因為住附近懶煮就會落王牌冰室或蕃茄18冰室，平時王牌質素都唔錯，沙嗲牛麵、雞煲同小菜都好味，雖然有聽過鄰居話佢食時見隔離枱食到有強仔，個客鬧到癲左咁，亦觀察到樓面侍應次次都唔同人。估唔到今日輪到我中獎了。今日中午落去食晏，因為尋日腸胃炎要戒口所以叫左個鮑絲火腿通心粉炒蛋多士，食食吓碗鮑絲火腿通粉畢到隻小昆蟲，侍應即刻拎走問我想換咩，廚房即刻換過碗鮑絲通粉。照收我$42⋯⋯你可以話小昆蟲係個個廚房都有，咁鍾意乾淨唔好出街食。