餃掂手工餃子雲吞專門店

「龍鳳松茸雙湯餃」（配狀元九鼎湯）：試咗呢款招牌餃子，好有驚喜✨！餃皮薄而且餡靚，佢分為黑松露同白松露豬肉，咬落去鮮嫩多汁，食得出用料夠新鮮🍄。黑松露帶點泥土嘅深沉味道，而白松露就清雅高貴，兩者混搭出奇地和諧，啖啖都係享受👌。湯底就係鮮香嘅魚湯，仲有淮山嘅清香，啱啱好中和咗松露少少霸道嘅味道，令到成件事濃而不膩🤤，超級正😍。「芫荽豬肉煎餃」：試完湯餃想食埋煎餃，所以叫咗試咗呢款。煎得啱啱好，餃底夠脆口，咬落去「卡滋卡滋」超滿足🔥。芫荽香氣撲鼻🌿，豬肉嫩滑多汁，食落 juicy 得來唔油膩👍。嘢飲我哋叫咗蜂蜜檸檬薏米水，正正常常幾好飲🍹。另外，值得推介嘅係佢哋嘅酸蘿蔔同埋辣椒豆瓣醬，配餃子超夾，大推！