均香餅家

營業中

休息中

臨近千秋，又係去到深水埗買月餅嘅時候，今次去多一間，就係呢期大熱嘅開心果月餅，大約20:30後去到，都要排隊但唔算好多人，由於實在太受歡迎加上放工先去太夜嘅關係去到已經售罄。但開心果糯米糍仲有，一於照排隊試下~!見到個牌寫住9月14-18日糯米糍暫停，會搬去南豐紗廠...好彩係早幾日來買。大約半個鐘終於買到!(對開心果的執著)，除左開心果之外，仲有花生、豆沙、芋泥及黑芝麻，每款唔同價錢。排隊中順便睇下有咩買。開心果糯米糍，每個$12。買了2個，糯米糍外層佈滿開心果碎碎，口感軟糯，內餡十分豐富，開心果味道濃郁，有顆粒的口感，甜度恰好，美味!有機會再食。