生隆餅家

營業中

休息中

一年一度月餅節，為左孝敬鍾意食五仁月餅嘅娘親，一定要早少少去生隆買定，因為根據往年經驗，越近中秋就會越快無晒想食嘅款。但似乎今年搬左隔離大鋪後，情況比以往好，容易買左。伍仁果子同金腿伍仁都係生隆必買嘅款式，由於出貨量大，伍仁無其他牌子果種怪怪的噏味，清甜得黎又有果仁香氣，仲有金華火腿帶出嘅鹹香。生隆仲有一個環保德政，如果買四個月餅唔駛要盒再減十蚊，對於唔係送禮人士黎講非常好。（可混雜不同味道）由於月餅都無乜太多防腐添加劑，保鮮期都較短，趁中秋最新鮮要快快食左佢。是日仲見到生隆貓店長小虎！