兩個人都點左自選雙拼扒飯($42)。
牛扒+蛋 (黑椒汁)
魚柳+蛋 (洋蔥汁)
套餐有埋湯同飲品，都算抵食!
牛扒唔錯，夠大塊，黑椒汁夠味唔係好辣。第1次食晒配菜，因為佢係配翠玉瓜唔係青豆。
魚柳件香脆可口，意粉腍左少許，但撈埋汁食都無太大影響。
喜歡佢個杯係黑白淡奶，好靚哈哈，阿華田沖得幾好，有奶味滑滑的，但又唔會蓋過阿華田味，望到隻色都知夠濃阿華田味。
湯都算清甜既，我諗味精點都有d, 但每次到茶餐廳我都偏好老火湯多過西湯。
基本上餐廳都客似雲來，一家大細又有，一兩個黎快食又有。餐牌亦應有盡有好多選擇。
