威尼斯餐廳

營業中

休息中

呢間威尼斯餐廳平時經過都成日見到晏晝好多人食，今日放lunch就諗住去試吓佢啦，但係見到入邊都坐滿晒就即刻決定轉外賣自取，老細話平時係可以打電話落去提早嗌定先。今日就試咗個H餐胡椒鴨墨汁意大利飯。加埋杯凍檸茶都只不過係$60咁上下。 拎到返屋企都仲係熱嘅，因為係即刻整，一打開見到個賣相都已經覺得少少吸引。第一啖就試咗個鴨胸先，胡椒味都幾足，肥瘦都好均衡，絕對係水準之上。至於個意大利飯佢唔算係太硬嗰隻，比較啱我自己個人口味。份量就絕對夠一個成年男人食㗎啦。 呢條街幾間餐廳都係唔錯，不過呢間威尼斯餐廳絕對係top 3入邊！