韓式風味

營業中

休息中

牽晴間內食店不多，兩間茶餐廳，1間泰菜，1間薄餅/意粉快餐，1間酒樓，1間好細既米線店。韓食應該係第一次見，滿心期待！好幾次都想入去（晚市）都坐無虛設，終於今日可以帶埋囡囡去一試，坐位及環境都算舒服（之前係西餐廳）應該換左枱櫈同番新左廳面。海鮮大醬豆腐湯賣相就好一般，海鮮有十隻花甲左右，魷魚鬚，金菇洋蔥大蔥百福豆腐，咁道好合理，味精亦唔重手（本人既準則，係食完唔會超級口渴），感覺及賣相都係家庭式韓食。紫菜包飯（豬肉）我覺得呢樣算幾好，有唔同肉類可選擇，飯卷食材亦好豐富：青瓜，黃蘿蔔，紅蘿蔔絲，甜蛋，油揚（腐皮）及豬肉，有麻油香味，食材亦開胃。BB女都食到，個豬肉片睇落橙色/但冇乜辣味。炸雞/加大（蜜糖芥末醬）賣相.......，外皮偏厚/味道正常，雞球炸得普通，唔係好juice，點解強調雞球，韓式炸雞好多舖頭都會用雞件，呢度用雞球加上個賣相都幾扣分！個蜜糖芥末醬就正常開胃。（細份應該係$58左右/＋$52就係大份）6件及12件分別。午餐既飲品：熱飲＋$8，凍＋$10，打埋係個午餐內/一個價show係張單。論價錢非常合理，味道同價錢成正比，55/100。