四寶食堂 (華凱大廈)

營業中

休息中

四寶食堂喺好多地方都有分店，炮台山呢一間坐得多好闊落。晚餐佢哋都有好多選擇，尤其是一家人過嚟食，兩三個人都可以嗌個二人套餐，非常抵食。佢哋有林林總總嘅家常小菜，我哋就揀咗XO醬西蘭花炒蝦球，同埋胡椒大蝦粉絲煲。兩碟餸都有蝦做主菜，粉絲煲嗰個大蝦，仲要係成半隻手掌咁大，餐廳用料上乘，好有蝦味非常之鮮！最值得讚嘅係餐廳都會因應客人嘅需求，去調節返小菜嘅味道。好似我哋兩個唔識咁，都願意落少啲XO醬同埋走咗個胡椒，非常貼心。另外佢個粉絲煲亦都好惹味，醬汁濃郁！雖然我哋冇嗌到二人套餐，但係家常小菜都可以升級做套餐㗎，仲要係有埋個養生燉湯同飯添，清清地非常暖胃。