更多
2022-11-03
3898 瀏覽
上個月嚟 The ONE 食甜品，已經留意到 1 樓新開咗間宮廷風 Café，見到餐廳嘅環境好優雅，已即時 bookmark 咗，趁今日放假，專登同個 friend 嚟食餐晏。原來係「INN」系列嘅第 4 間分店，裝潢以純白為主調，店內設有華麗嘅歐式拱門及浮雕裝飾，加上以花藝和蠟燭作點綴，極具視覺美感，好適合同朋友嚟影相打卡。我哋每人點咗個 Lunch Set，價錢由 $158-$228 不等，視乎所選嘅 Main Course 而定，套餐包前菜、主食及 $28 或以下飲品。前菜 5 選 1，揀咗牛油果煙三文魚多士，三文魚以食用花裝飾，賣相好得。三文魚油潤甘香、牛油果滑溜 Creamy，配上煙韌富麥香嘅多士，簡直係 Perfect Match。是日餐湯係蕃茄湯，入口蕃茄味好濃郁，酸甜醒胃，飲完成身暖笠笠。燒安格斯8安士西冷扒 ($228) 西冷點咗 7 成熟，火候控制得啱啱好，肉質很嫩滑，香軟鬆綿又富肉汁。配菜有原隻燒蒜頭、薯仔、法邊豆同磨菇，蒜頭濃甜不辛、汁液豐富，薯仔粉腍有薯香，食味亦不俗。招牌鮮波士頓龍蝦包 ($208) 麵包烘得很香脆，甜甜地又富牛油香。龍蝦肉非常大件頭，而
上個月嚟 The ONE 食甜品，已經留意到 1 樓新開咗間宮廷風 Café，見到餐廳嘅環境好優雅，已即時 bookmark 咗，趁今日放假，專登同個 friend 嚟食餐晏。
原來係「INN」系列嘅第 4 間分店，裝潢以純白為主調，店內設有華麗嘅歐式拱門及浮雕裝飾，加上以花藝和蠟燭作點綴，極具視覺美感，好適合同朋友嚟影相打卡。
我哋每人點咗個 Lunch Set，價錢由 $158-$228 不等，視乎所選嘅 Main Course 而定，套餐包前菜、主食及 $28 或以下飲品。
前菜 5 選 1，揀咗牛油果煙三文魚多士，三文魚以食用花裝飾，賣相好得。三文魚油潤甘香、牛油果滑溜 Creamy，配上煙韌富麥香嘅多士，簡直係 Perfect Match。
是日餐湯係蕃茄湯，入口蕃茄味好濃郁，酸甜醒胃，飲完成身暖笠笠。
燒安格斯8安士西冷扒 ($228) 西冷點咗 7 成熟，火候控制得啱啱好，肉質很嫩滑，香軟鬆綿又富肉汁。配菜有原隻燒蒜頭、薯仔、法邊豆同磨菇，蒜頭濃甜不辛、汁液豐富，薯仔粉腍有薯香，食味亦不俗。
招牌鮮波士頓龍蝦包 ($208) 麵包烘得很香脆，甜甜地又富牛油香。龍蝦肉非常大件頭，而且份量夠多又唔會碎濕濕，入口啖啖肉。伴吃嘅薯條都好正，既乾身又唔油膩，入口薯味勁香濃。
至於餐飲就點咗 Passionfruit, mint soda (+$24) 同 Avocado smoothie (+$26)。梳打賣相好靚，入口酸酸甜甜，好清爽，加上有氣嘅口感，涼快又解渴。色澤清翠嘅 Smoothie 味道亦唔錯，質感厚滑，入口帶陣陣牛油果香，好味又有益。
張貼
