影片
更多
2009-03-17
159 瀏覽
今個晚餐的主題是為妹妹慶祝生日，之前兩日已經開始約人，原本只有四個人，到最後竟然又比我約到變咗九個人的同事聚會，四男五女--簡真係perfect 嘅組合...一定唔少得嘅係主角妹妹Ada，帶病都黎嘅Anita，好難約到嘅Michelle，試食兵團嘅團友阿Nat、阿弗，最後都冇改變主意出席嘅準新人Tony伉儷(Tony校長 & Joyce校監)，仲有成日都同我出去玩嘅我條靚 ....sorry...應該係靚仔同事Angus，仲有就當然唔少得我呢個搞手啦!....人多....雖然我呢個搞手係多嘢煩啲....但係就熱鬧啲、開心啲嘛。到決定地點時，妹妹提議去呢間我地之前未有機會試的瑞士餐廳 - Swiss Chalet。到7:30預定時間，雖然餐廳位處尖沙咀，但好多同事都對赫德道不是太清楚，慶幸的是大家最後都準時來到。坐底後，發覺原來淨飲水要charge$10，咁當然即刻著大家叫返杯飲品啦，我地叫咗三杯beer，其他的都是果汁汽水，我雖然叫了German beer，但唔係麥啤，而阿弗叫嘅麥啤....我相信應該好飲過我嗰杯。叫餸方面，雖然我徵詢過其他同事意見，但最後都如妹妹之前所講，話事權落在我
坐底後，發覺原來淨飲水要charge$10，咁當然即刻著大家叫返杯飲品啦，我地叫咗三杯beer，其他的都是果汁汽水，我雖然叫了German beer，但唔係麥啤，而阿弗叫嘅麥啤....我相信應該好飲過我嗰杯。叫餸方面，雖然我徵詢過其他同事意見，但最後都如妹妹之前所講，話事權落在我和妹妹身上，而且已經過了半個鐘頭，大家都嗌肚餓了。雖然我地好多同事都是外國回來，但係waitress都還是等到一個貌似老闆的中國藉肥佬得閒，至幫我地點菜。
麵包算係唔錯嘅.....如果係佢地自己焗嘅，牛油都有兩種，熱辣辣嘅，頗軟熟，可以refill添....見啲女仔食麵包已經飽咗七成。
1. 瑞士風乾雜肉拼盤 Swiss air-dried meat pscialities of ham, beef, bacon and salils
> 一般嘅cold cut...亳無技巧可言，勝在算易入口，不似意大利頭盤咁...未必人人接受，不過不失。
2. 炒磨菇沙律配紅酒汁 Warm mixed Mushrooms in assorted lettuce topped with red wine sauce
> 只是一個比平時多一點溫暖嘅沙律，好在沒有吃草的感覺。
3. 牛仔肉+磨菇+忌廉汁酥皮盒 Puff pastry shell filled with veal cubes, onions, xxxxxx and champignon mushroom in a white wine cream sauce
> 諗起酥皮真係肥死人....要用豬油搓嘛，但係又好好食，不過因為我地係share黎食嘅關係，切開後，酥皮已經由原本的原桶型變為好似餅碎了。
4. 瑞士芝士、腸仔沙律跟新薯 Cervelat sausage and cheese salad served with new potatoes
> dressing 唔錯，可能加了cheese，似french dressing...稀杰度適中, 大家都認為腸仔...yummy。
5. 燴牛仔膝配意大利粉 Stewed veal served with fine noodles
> 牛仔膝煮得唔夠腍，意粉實在太少了，就算一人份量都嫌少，何況我地咁多人呢!
6. 瑞士炒雞肉配磨菇忌廉汁跟瑞士薯餅 Thinly sliced chicken with white mushroom in a creamy sauce served with hash brown potatoes and vegetables
> 可能返了香港太耐，我同妹妹都好懷念嗰邊嘅hash brown，口感實在太好了。
7. 傳統瑞士芝士火鍋配法包 The traditional cheese fondue, Cheese mixture melted in dry white wine flavored with Klesch and served with French bread
> 有酒嘅，雖然我認為唔夠酒味，但大家都覺得酒味太濃....唔好味，蓋過的芝士味。
8. 牛仔肉丸芝士火鍋配蔬菜、新薯及法包 Cheese mixture melted in dry white wine, slavoured with tomatoes and veal served with bread cubes and potatoes
> 我地一早同老闆落單時講定唔好落酒，如果唔係大家可能覺得唔啱食，呢個比之前嗰個只係多咗肉丸同埋蕃茄碎，芝士一樣係唔夠香。
9. 菠菜芝士火鍋配雞肉蔬菜法包 Minced spinach melted with a cheese mixture seasoned to perfection served with vegetables, santeed chicken and bread cubes
> 呢個嘅樣太似Cream of Brocolli，事關西蘭花忌廉湯係我同妹妹嘅至愛。
整體而言：以食物味道來說，只可以算是不過不失，與我在瑞士當地食嘅比真係差好遠，okay...(可以一食)。但係如果計埋service方面，就唔合格了，事關當個老闆同waitresses問我地要唔要dessert, coffee or tea嘅時候，我地冇叫到....佢地就面黑了，試問邊會有一間餐廳會這樣待客，而且水又要錢，又規定每檯客人一定最少要叫返相同數目嘅餸....以我地為例，九個人就最少叫九個餸，不足嘅話係要另加一個餸嘅費用，呢樣算做不合理嘅收費。每人平均$170。
張貼
