影片
更多
2023-08-11
1164 瀏覽
聽過holam bakery咁耐，因為唔就腳一路都冇機會試過，難得有個星期日去開觀塘，食完個早嘅晚飯大約夜晚6:45去到佢舖頭就買咗個嚟試。只可以講，如果你係expect正常、新鮮、creamy嘅千層蛋糕，千祈唔好呢個時間嚟買。。。去到嘅時候，陳列雪櫃剩返三件蛋糕，分別係：伯爵茶、阿華田，同埋另一隻唔記得咗咩款。本身想試伯爵茶味，但因為前面有人買咗，所以伯爵茶就冇咗，咁又諗咗一陣應該試邊隻。點知諗諗吓期間，店員攞咗另一件伯爵茶味出嚟擺返喺陳列櫃，所以就嗌咗伯爵茶味嚟試。店員遞個蛋糕俾我時，已經同我講要攤5分鐘先食得因為可能有啲凍，我已經覺得伏伏地，因為如果係正常雪櫃四度攞出嚟，應該未至於要攤一陣先食得，所以好可能係冰櫃攞出嚟（？）結果不出我所料，買完件蛋糕去隔籬舖位食，影吓相都過咗10分鐘。隻叉一拮入去，feel到件蛋糕完全係硬的。邊邊位都叫可以拮到底擺落口食，但拮到去中心係完全拮唔穿件蛋糕、會有覺得隻叉就要斷嘅感覺。成件蛋糕只有雪冰咗嘅凍餅/莎莉蛋糕感覺，冰、乾、沙，硬，完全唔會有你想像一件千層蛋糕應有嘅Creamy、軟棉口感。由相亦可見，你會睇得出cream同皮係分離、仲要係裂裂地
去到嘅時候，陳列雪櫃剩返三件蛋糕，分別係：伯爵茶、阿華田，同埋另一隻唔記得咗咩款。本身想試伯爵茶味，但因為前面有人買咗，所以伯爵茶就冇咗，咁又諗咗一陣應該試邊隻。點知諗諗吓期間，店員攞咗另一件伯爵茶味出嚟擺返喺陳列櫃，所以就嗌咗伯爵茶味嚟試。
店員遞個蛋糕俾我時，已經同我講要攤5分鐘先食得因為可能有啲凍，我已經覺得伏伏地，因為如果係正常雪櫃四度攞出嚟，應該未至於要攤一陣先食得，所以好可能係冰櫃攞出嚟（？）
結果不出我所料，買完件蛋糕去隔籬舖位食，影吓相都過咗10分鐘。隻叉一拮入去，feel到件蛋糕完全係硬的。邊邊位都叫可以拮到底擺落口食，但拮到去中心係完全拮唔穿件蛋糕、會有覺得隻叉就要斷嘅感覺。成件蛋糕只有雪冰咗嘅凍餅/莎莉蛋糕感覺，冰、乾、沙，硬，完全唔會有你想像一件千層蛋糕應有嘅Creamy、軟棉口感。
由相亦可見，你會睇得出cream同皮係分離、仲要係裂裂地咁。所以真係大失所望！再上openrice睇review，好似冇人有我咁嘅遭遇，因為經驗真係太差，所以決定寫返人生第一個openrice review以警世。
之後諗返，我估計佢係一早整完一大批蛋糕就擺入冰櫃先，差不多賣完一批先再攞下一批出嚟，但因為星期日臨收工所以賣完一件先攞下一件貨出嚟（？）因為唔夠時間攤暖所以就有咁嘅結果。
伯爵茶味千層蛋糕
44 瀏覽
1 讚好
0 留言
張貼
