星巴克咖啡

營業中

休息中

契妹早一晚來電，告知「Starbucks」新推出咗杯朱古力味超濃o既咖啡特飲，好啱小肥契哥口味咁話 。XO仔就襯週日師弟個女百日宴，喺合和買完禮物，順道經過「Starbucks」，買咗杯黎試。雖然今次未有收到電郵通知，幸好有契妹通風報信，新產品推出未夠一個禮拜，仍可享Starbucks金星咭會員首週免費升級優惠 。雙重黑白朱古力咖啡同一般推介特飲一樣，細杯裝單售$40。啜一口有齊黑朱古力o既甘同白朱古力o既甜，加埋面層脆口o既朱古力碎、幼滑o既朱古力味忌廉及朱古力醬，飲品o既朱古力味極為甘香濃厚，唯一小肥略嫌其咖啡味較為薄弱，如果可以加多一至兩個espresso shot效果應更理想。不過一邊飲，腦海卻一邊播放著：「如果太多咖啡味，朱古力味冇定企。。。等到朱古力味返番嚟，咖啡味又唔爭氣。。。」  都有少少矛盾。