海饌 - 海鮮牛扒餐廳 (Fashion Walk)

營業中

休息中

2024新一年岩岩開始，梗係想咩野有個好開始。儀式感係非常重要，所以梗係揀間環境唔錯，裝修夠晒Chill的餐廳，仲要食物要有質素，咁先可以有個好開始，同事就好推介呢一間餐廳，皆因佢同佢老婆都黎過好多次。一入到間餐廳，周圍個環境真係好舒服，令我好期待呢一餐。同事叫左幾個佢推介美食。泰式羽衣甘藍燒牛肉沙律羽衣甘藍脆脆口感好適合沙律，而個燒牛肉配埋個泰式醬汁，酸酸味味，好開胃，好岩係今餐個頭盤茴香烤羊仔柳伴鷹嘴豆泥醬配中東烤餅羊仔柳完全無羶味，燒烤得好香好好味，而個中東烤餅好鬆軟，蘸埋鷹嘴豆泥醬，口感綿密絲滑香蒜橄欖油浸墨魚片整盤墨魚片好似油浸咁，食落會好油膩，但食落估唔到完全唔覺得油膩，墨魚個口感仲要好彈牙，另外，不得不講係個蒜片，炸得好香脆，好好味，有時個感覺蒜片先係主角法芥醬忌廉燴黃油春雞配烤中東包望落個醬汁似葡汁，但好Creamy，同個中東包係絕世配搭，我都忘記左係食中東包定食醬，但總之就係將個中東包蘸晒D醬，就好好味隻春雞外皮好香口，肉好嫩，蘸埋醬一齊食就岩岩好。另外，不得不提個餐店員細心服務，會留意你食晒未，先再上另一盤菜，另外，每一道菜都會幫你換碟，以免影左你對食物口感。