影片
更多
2014-11-09
2585 瀏覽
幾年前睇左【瘦身男女】介紹哩間鋪ge報道，我就非常想黎了，但我真係好少去香港島的，所以苦無機會。。。 今日終於有機會喇，因為有啲事要去灣仔入境事務處一趟，我又點可以再錯失哩個機會呢我同老婆推住BB車就走過去，走呀走，因為行小路ge關係，唔熟路走過龍，走到去Sogo添只好走返轉頭，我老婆算係冇乜耐心ge人，佢開始有野講了。。。。。。過咗鵝頸橋入人多區佢就更懷疑我改變唔識路的 好好好，我承認我只係睇咗地圖一次，基本上係估估下的但好好彩，一下就俾我估中了，哈哈，Lucky~~~ 街市係揾到了，亦睇到應該係上邊，但樓梯好長啊，我又推住BB車。。。。。。頂硬上！終於上到黎了，揾到間鋪，之前睇咗好多食評，話哩度係街市熟食檔，衛生要忍耐云云，我就予咗會又熱又污糟的了，但一到又完全冇o個種感覺wo，有冷氣，地方有食環處管理又點算污糟呢，係凳多咗啲，推BB車唔太方便囉（怪得邊個）坐低後我又開始擔心了。。。。。。行咗咁耐如果唔好食就大鍋了我老婆根本唔知哩度好咩好食，當然就我發辦啦~ 當然係要order最出名ge燒鴨批飯同咖喱羊飯啦食得喇食得喇 我老婆怕騷唔食羊，碟羊當然我食啦，大大碟，哈哈~~~ 我食咗一
今日終於有機會喇，因為有啲事要去灣仔入境事務處一趟，我又點可以再錯失哩個機會呢
我同老婆推住BB車就走過去，走呀走，因為行小路ge關係，唔熟路走過龍，走到去Sogo添
只好走返轉頭，我老婆算係冇乜耐心ge人，佢開始有野講了。。。。。。過咗鵝頸橋入人多區佢就更懷疑我改變唔識路的 好好好，我承認我只係睇咗地圖一次，基本上係估估下的
但好好彩，一下就俾我估中了，哈哈，Lucky~~~
街市係揾到了，亦睇到應該係上邊，但樓梯好長啊，我又推住BB車。。。。。。頂硬上！
終於上到黎了，揾到間鋪，之前睇咗好多食評，話哩度係街市熟食檔，衛生要忍耐云云，我就予咗會又熱又污糟的了，但一到又完全冇o個種感覺wo，有冷氣，地方有食環處管理又點算污糟呢，係凳多咗啲，推BB車唔太方便囉（怪得邊個）
坐低後我又開始擔心了。。。。。。行咗咁耐如果唔好食就大鍋了
我老婆根本唔知哩度好咩好食，當然就我發辦啦~ 當然係要order最出名ge燒鴨批飯同咖喱羊飯啦
食得喇食得喇 我老婆怕騷唔食羊，碟羊當然我食啦，大大碟，哈哈~~~
我食咗一啖。。。嗯。。。。老婆你可以試下了，冇乜騷味。
老婆：味道唔錯啊
我 ：味道是OK的，但我比較中意食騷啲囉
當然最後大部分都係我食曬啦，味道係唔錯的，但未到眼前一亮ge程度囉，我住o係南非10幾年，o個邊好多印度人，又去過好幾個咖喱出名ge國家，又o係住香港好多年，所以我真係食過好多種咖喱所以，俾佢80分吧
我當然唔會放過一試哩度燒鴨ge機會啦~~~~
老婆：好味~~~ BB都中意食
我試咗一啖。。。。。。好甜！好嫩！好多肉汁！好好味啊！！！！！！！！燒到連應該會少少乾ge鴨批握位都好嫩呀！！！
真係覺得一隻鴨可以燒到哩個程度已經無可挑剔了！！！！！！！
好彩頭先冇放棄去其他地方隨便隨便咋
我老婆都非常滿意
題外話/補充資料：
羊騷味，哩種感覺好與壞，其實真係見仁見智，其他人唔知，但我比較中意食有騷味的，但開鋪要迎合大部分人ge口味我是完全理解的
(以上食評乃用戶個人意見 , 並不代表OpenRice之觀點。)
張貼