樺得園 (已結業)

同事睇過話想試呢間，望過價錢都ok 決定今日食，呢到星期一至五有午餐$6x 一個有漢堡or 意粉加湯同野飲，冇加一，但晚餐會有加一服務費，我叫左個午餐 夏威夷漢堡，飲百爵茶，另外加$15 可加薯條，薯角或者牛肉沙律，我就加左個薯角，叫左等左陣，餐湯上先 係磨菇忌廉湯，好濃磨菇味唔錯， 跟住就上薯角，份量唔少 好多薯仔 食落都幾飽肚，我同事佢覺得一般，因為呢隻唔係炸得太脆, 但我個人覺得幾好 唔太油，杯百爵茶好香好好飲，最後到主角漢堡，好大個，但塊肉又唔算好大，食落個包都可以，芝士反而冇咩味，仲有酸瓜，蕃茄同生菜洋蔥，牛肉多汁，多到流出來，整體好味，絕對會有下次，同事叫左個午餐漢堡，炒什菇，沙律同多士，佢評價都好好，下次來可能試佢個冇包漢堡，上下兩塊勁厚芝士當包，$98 一個，叫做金文拔牛肉漢堡。