安南越式牛肉粉

營業中

休息中

間鋪位於商場2樓個轉彎位。間鋪呈三角形。餐廳內位置並不十分多，但好多時候都會好多人，我最中意坐係玻璃窗邊。可以靜靜享受。呢款係安南生牛肉湯河。十次黎基本上有八次都係為左呢碗河而黎，而另外兩次想食飯。哈哈。剛上臺，你會見到係湯面頭個牛肉會帶粉紅色，而浸落個湯度既牛肉就熟得岩岩好。可以免卻D湯既熱度令個牛肉熟過籠。影響口感。個湯並不十分濃，我卻覺得這樣剛好。再搭配小米椒以及青檸汁吊味，可以更加顯示牛肉既鮮甜。飲品推介原隻椰青。大大隻，好多汁，好清甜。飲完仲可以攞調羹將軟甜既椰肉刮黎食，真係一D唔浪費。