Burger Hero

先講明個漢堡薯條唔錯，性價比高。

星期日晚餐時間七點鐘門市落單，叫咗五人份嘅漢堡餐外賣，當時店員表示二十分鐘左右就拎得。結果二十分鐘後去到先發覺個餐冇準備過！！！問兩位店員幾時拎得就齊齊無視問題繼續做單。

最令人氣憤嘅係當時佢地外賣APP嘅單已經係我外賣單嘅號碼後十個，即係表示佢哋寧願做晒外賣app單都唔會理現場柯打嘅街客，係佢哋眼中街客比地底泥更加下賤。

點解會咁呀？外賣app其實有出餐時間限制，店舖為咗要達標就唯有犧牲某啲顧客。我行到去門口叫堂食自取本意係唔駛店家俾外賣app抽佣當支持下小店，最終就玩返自己。

結果係點？足足等咗成50分鐘，睇住一張張熊貓袋鼠單過完又過，千辛萬苦先拎到個外賣。各位如果walkin堂食或者現場叫外賣請三思！

最後，利申自費非打手。