圓點工房

營業中

休息中

呢間係火炭工廠大廈入嘅西餐廳性價比極高。呢個德國脆皮豬手配薯角嘅餐加埋杯凍咖啡盛惠$81，當然純價錢睇就覺得高，不過食過之後你就知個質素如果喺出邊其他地方食應該要差唔多$200先至食得到。豬手雖然係前臂，不過其實份量都幾多，豬手皮夠脆，而豬手肌肉又唔會整到好韌，可以揀飯意粉薯角或者沙律，我就揀咗薯角，另外佢有韓國泡菜做配菜。我個friend就帶咗all day breakfast，聽講唔係成日有，份量都係誇張豐富，份炒蛋都幾大份，腸仔用咗一條紅腸一條白腸，份沙律又係誇張地多，好食抵食。