老虎冰室

營業中

休息中

#搞串個pantry#屯門 其實係一個好大嘅區🤯，但係大部份人流👥都係聚集喺市廣場或者V City🔥。每次行過呢啲區域都覺得好多人好多人😵‍💫，而今次就去咗一間位於V City嘅餐廳🍴，呢間餐廳除咗有一般茶餐廳嘅粥粉麵飯之外，仲有小菜等💕。餐廳嘅格局同大部份港式餐廳類似😗，坐得舒服闊落。今次我哋就嗌咗🟤XO醬虎蝦雞煲($128)、🔴蜜椒薯仔牛柳粒($98)、🟢蒜蓉炒菜心($38)。XO醬虎蝦雞煲🌟🌟🌟上菜嘅時候，仲見到個煲滾緊熱辣辣🔥。虎蝦大約有五隻🦐，雞嘅數量都幾多。呢個雞煲嘅調味剛剛好🤤，咸甜辣每一種味道都調配得啱啱，入面嘅洋蔥配埋啲醬汁一齊食，非常好食😋！虎蝦口感普通，不過都算爽口。雞肉肉質🐔嫩滑，每一嚿嘅大細剛剛好，唔會好多骨，食落都啖啖肉🤩。蜜椒薯仔牛柳粒🌟🌟🌟🌟呢啲牛柳粒🐮都好好食。薯仔同牛柳粒都切到細細粒咁🥳，好易入口。同樣蜜汁炒到好均勻，又唔會太甜，加埋洋蔥🧅、青椒🫑、紅椒，食落好好食🤤。牛柳粒因為切細咗嘅關係，食落口感唔會好韌，有咬口之餘又好腍好易入口💕。蒜蓉炒菜心🌟🌟🌟呢個炒菜心🌱，味道幾好，每條菜心都食到蒜蓉味。菜心都炒到軟硬適中🔥，不過莖嘅部份，食落有啲根😗。