初心

營業中

休息中

天氣凍凍地諗住打個邊爐見到呢間有放題任食 又有位就入左雞煲小食任食，味道正常，相信好難會整得難食。刺身海鮮得一次，以為咁樣會比d 高質海鮮，點知得每人3塊三文魚刺身，海鮮盤就每人兩隻蝦仔，半隻蟹仔，幾隻蜆，兩塊魚，螺，重點係全部低質唔新鮮，蝦同蟹肉質都係霉，其他海鮮都係冇鮮味🤷🏻‍♀️ 呢個價錢仲要唔係任食，唔明點解會比d 咁樣質素食物。打邊爐話就話全部野任食，但係食物選擇少到不得了，肥牛食落完全冇味，食完一碟已經唔想再叫，其他火鍋料只係得d 丸，菜，魚皮，全部食落去都係平價貨式，冇一樣食完係想再叫😓最後每人一客甜品，睇落以為係Tiramisu, 點知食落係雪凍嘅忌廉面頭加d 可可粉，仲要可可粉都可以冇味😂 總括性價比好低，呢個價錢要求一間集團式火鍋店都好食好多，呢間食嘅野只係街坊酒樓百令蚊任食火鍋嘅質素，可以唔洗浪費quota 黎試。