壹火鍋

好耐冇打邊爐，俾我搵到呢間，見價錢幾合理又幾多野食，所以呢日約左朋友過來試下。係兆萬上面，都好易搵。座位都坐得舒服，係同朋友吹水既好地方。個火鍋放題另加50就有刺身放題，加50又有海鮮盤，仲有特級牛肉。難得約出來，我同朋友都決定加晒佢。牛肉好新鮮，好有牛香味，個人最鍾意極上牛板腱，口感好好刺身係必叫，我同朋友encore左幾轉，刺身新鮮就必須，特別推介一定要試佢個鮑魚片，真係超鮮甜！海鮮就冇得任叫，但呢盤兩個人食都多到差d食唔晒🤣 見d蝦同鮑魚仲好生猛旭旭下，雖然感覺有d殘忍，但係好食既🙈除左點餸，出面仲有好多配料自取，打邊爐要食既，都係晒度了。野飲好多選擇，不過小妹唔想飲凍野，好在佢仲有好多唔凍既野飲選擇呢。打完邊爐當然唔少得甜品，榴槤雪糕同雪條都超有榴槤味! 好似食緊真榴槤，但又唔會太甜，榴槤控記得要試!呢餐食得好滿足! 下次會再來!