影片
更多
2022-12-21
497 瀏覽
之前食過lunch，今次就去食晚餐啦，夜景同日景一樣咁正，望到維港景色，臨近聖誕仲多咗聖誕裝飾，環境同食物質素值得再去今次食special menu $1280/ppt，豐富過lunch set😋前菜鱈魚白子，好滑溜，好似豆腐花咁滑，配上酸酸甜甜嘅醬汁，特別開胃自家制北海道鮟鱇魚肝鮟鱇魚肝醬配多士食，賣相精美，味道濃厚，面頭嘅花朵都食得，食用花嚟，多士好鬆脆香口，令人回味季節刺身令和之怪物，即開即食，大隻肥美，又滑又creamy，鮮味十足可選季節刺身或壽司一份各3件，我地每款要一份，刺身好有厚度，好鮮味，最得我心都係火炙過嘅刺身，正日本淮山鮮濃魚湯好濃嘅魚湯味道，啖啖鮮味，好暖胃鐵板燒香草牛油紐西蘭海蛪蝦，非常鮮甜，蝦頭帶少少膏，好甘香北海道帆立貝配深海魚籽，好香牛油味，配上有咬口嘅魚籽，份外滋味法國鵝肝配自家制藍莓醬，藍莓醬同鵝肝好夾，入口唔會覺得好油膩，食完仲想再食多件澳洲M9牛舌，帶嚼勁配蒜片食，好好食牛肉，要了一份厚一份薄片，都係五成熟，火喉到位，入面仲見到粉嫩，只係輕輕燒過表面，夾埋洋蔥沙律食，增加口感黑松露蟹肉炒飯，炒飯粒粒分明，入口有濃郁嘅香松露味，配埋一絲絲嘅蟹肉，好食
今次食special menu $1280/ppt，豐富過lunch set😋
前菜
鱈魚白子，好滑溜，好似豆腐花咁滑，配上酸酸甜甜嘅醬汁，特別開胃
自家制北海道鮟鱇魚肝
鮟鱇魚肝醬配多士食，賣相精美，味道濃厚，面頭嘅花朵都食得，食用花嚟，多士好鬆脆香口，令人回味
季節刺身
令和之怪物，即開即食，大隻肥美，又滑又creamy，鮮味十足
可選季節刺身或壽司一份各3件，我地每款要一份，刺身好有厚度，好鮮味，最得我心都係火炙過嘅刺身，正
日本淮山鮮濃魚湯
好濃嘅魚湯味道，啖啖鮮味，好暖胃
鐵板燒
香草牛油紐西蘭海蛪蝦，非常鮮甜，蝦頭帶少少膏，好甘香
北海道帆立貝配深海魚籽，好香牛油味，配上有咬口嘅魚籽，份外滋味
法國鵝肝配自家制藍莓醬，藍莓醬同鵝肝好夾，入口唔會覺得好油膩，食完仲想再食多件
澳洲M9牛舌，帶嚼勁配蒜片食，好好食
牛肉，要了一份厚一份薄片，都係五成熟，火喉到位，入面仲見到粉嫩，只係輕輕燒過表面，夾埋洋蔥沙律食，增加口感
黑松露蟹肉炒飯，炒飯粒粒分明，入口有濃郁嘅香松露味，配埋一絲絲嘅蟹肉，好食
炒什菜
什菜幾清新，配上特制醬汁混埋一齊食，有芝麻香
甜品
揀咗綠茶布甸同海鹽雪糕，布甸好重綠茶嘅味道，軟滑沒有沉澱物，而海鹽雪糕朋友都話好食
張貼
