煌苑

營業中

休息中

好多時候去酒樓食點心，我都一定會帶奶黃流沙包，不過真係唔係度度都有流沙嘅奶皇包。好多時候去食，都係有一Pat奶黃醬喺個包度，就話自己流沙。但係呢一間酒樓嘅流沙奶皇包真係好出色，佢唔單止超級流沙，而且係爆出嚟㗎。材料好充足，絕無偷工減料。其他嘢都好好食，例如我最愛嘅牛肉球，佢真係有牛肉味㗎而且你會食到少少芫荽。然後有一個吸曬味嘅腐竹喺底，真係不能錯過。我哋又食到佢嘅叉燒腸粉，不過就覺得好一般。佢個蜂巢芋頭酥，都好唔錯，不過趕住食就冇影到相。如果咁啱去石門飲茶，不妨可以試吓佢哋嘅點心，大眾價錢來講又唔算貴。