阿叔泰麵 (金殿臺漢宮閣)

營業中

休息中

今日滿心歡喜睇到咁多好評諗住去食個泰國嘢 價錢一啲都唔算平 船麵一定要試啦跟住我再叫心思思想食嘅香葉肉碎炒飯好耐個船麵嚟到賣相正正常常，但係味道就真係麻麻哋，金邊粉嘅麵質一啲都唔好食，一嚟到好似撈麵咁啲湯又俾唔夠。個泰式鳳爪嚟到見到個份量咁大都有啲開心，但一食落口心諗點食得晒。佢雞腳同埋個醬汁嘅味道係完完全全分開，我可以好清楚食到雞腳冷藏味，再加一啲唔好食嘅醬汁。香葉肉碎炒飯嚟到個賣相我已經拗晒頭，一嚟到淨係見到白飯上面有兩隻全熟咁滯嘅蛋，加埋右邊一大堆超級濕嘅肉碎。肉碎超級鹹完全冇香葉同埋炒嘅香味淨係食到好多鹽同埋蒜蓉嘅味道仲要勁多水。啲飯有啲係煮到乾晒勁黐牙。順帶一提，由入門口開始啲侍應已經好似好唔想招呼人咁，態度差，座位又唔舒適。