影片
更多
2022-11-19
2767 瀏覽
屈左香港好耐冇得去旅行，所以一放假就去遠啲既地方。餐廳位於元朗天空之城，遠離市區，有種寧靜渡假既感覺。難得黎，食豪少少，叫左肉蟹放題，包埋多款海鮮，如生蠔、海中蝦...而沙白大蜆仲係任食，性價比高，好易回本。食放題叫左杯檸檬茶，可以消濟，上台大杯到嚇親，幾抵飲! 套餐包左鮑魚、蠔同蟹都可以去到門口位自已捉，有五個大水缸，每缸既海鮮都好生猛，數量多，可以慢慢簡。我就睇下邊隻蟹跑得快就捉，保證新鮮。係簡海鮮同時，店員已經上左碗老火湯同蒸定雞，埋位就可以開始食! 老火雞湯濃郁，冇味精，頓時感覺被滋潤。雞件有陣陣酒味，仲落左頗多蟲草花去蒸。蒸爐分左兩層，下層放左生米、豬骨、南瓜同芋頭，上層就可以蒸海鮮，一路蒸一路滴啲精華落底，好期待最後既海鮮粥! 蒸爐可以set timer，夠鐘就響，海鮮最長只需蒸6分鐘，快到食唔切。點評下海鮮:肉蟹屬雄性青蟹，所以蟹膏呈橄欖黃色，肉質爽滑，蟹鉗位係最好食，鮮咸多肉!除肉蟹外，最推薦蜆，蜆係要叫店員拎。總共兩款蜆，黃蜆細隻啲，但肉厚滑身，灰蜆大隻啲，咸鮮味較重，唔使點調味料都好夠味。海中蝦彈牙，蠔大隻肥美，鮑魚Q彈，總括都好新鮮，海鮮就係清蒸先最好食!套餐仲包
難得黎，食豪少少，叫左肉蟹放題，包埋多款海鮮，如生蠔、海中蝦...而沙白大蜆仲係任食，性價比高，好易回本。食放題叫左杯檸檬茶，可以消濟，上台大杯到嚇親，幾抵飲!
檸檬茶
42 瀏覽
0 讚好
0 留言
套餐包左鮑魚、蠔同蟹都可以去到門口位自已捉，有五個大水缸，每缸既海鮮都好生猛，數量多，可以慢慢簡。我就睇下邊隻蟹跑得快就捉，保證新鮮。
係簡海鮮同時，店員已經上左碗老火湯同蒸定雞，埋位就可以開始食! 老火雞湯濃郁，冇味精，頓時感覺被滋潤。雞件有陣陣酒味，仲落左頗多蟲草花去蒸。
蒸爐分左兩層，下層放左生米、豬骨、南瓜同芋頭，上層就可以蒸海鮮，一路蒸一路滴啲精華落底，好期待最後既海鮮粥! 蒸爐可以set timer，夠鐘就響，海鮮最長只需蒸6分鐘，快到食唔切。
肉蟹放題
68 瀏覽
0 讚好
0 留言
點評下海鮮:
肉蟹屬雄性青蟹，所以蟹膏呈橄欖黃色，肉質爽滑，蟹鉗位係最好食，鮮咸多肉!
除肉蟹外，最推薦蜆，蜆係要叫店員拎。總共兩款蜆，黃蜆細隻啲，但肉厚滑身，灰蜆大隻啲，咸鮮味較重，唔使點調味料都好夠味。
海中蝦彈牙，蠔大隻肥美，鮑魚Q彈，總括都好新鮮，海鮮就係清蒸先最好食!
套餐仲包左小籠包、Jumbo蟹柳同糖水，當日係紅豆沙，比較稀，但紅豆量十足，有少少陳皮味。
奮戰左兩個鐘，食翻啲澱粉質，粥底好綿密，入口有海鮮既鮮、蔬菜既甜，仲有層薄薄既雞油係表面，但實在太飽，最後要打包走。
肉蟹
1113 瀏覽
0 讚好
0 留言
張貼
