韓閣 (已結業)

約咗媽媽去黃大仙食韓國嘢！我哋嚟咗黃大仙中心北館「韓閣WTS」食lunch!睇menu估唔到有好多選擇🤗我哋就揀咗一個lunch set 同雜錦炸雞歡樂盤《Lunch Set》我哋揀咗海南雞飯，經理話係新出食品-值得一試！雞肉嫩滑、雞皮脆彈，配埋跟餐嘅醬汁，確實冇介紹錯😋而且係跟雞油飯！係我喜愛🤩《雜錦炸雞歡樂盤》歡樂盤有炸雞、餃子、粉絲卷，真係好好好嘅combo！2個人，可以食到幾種口味實犀不錯之選！個芝士🧀醬仲加添咗色彩，到咁上下，職員會幫你熄左火先，隔陣佢又再幫你開番火，整溶啲芝士比你點醬食！好細心🫶🏻值得一讚！呢度座位好闊落，仲見到入口位有韓服🇰🇷可以租借黎著住打卡！下次同小朋友嚟，同佢哋租番件著住打卡一定好可愛☺️