日嚐

營業中

休息中

日日行過哩間鋪頭，都好full下，今日收工早少少，睇到有位快D試試。店鋪唔大，得幾張台，以原木裝修為主，都幾溫馨。晚餐提供數款日式套餐，平平地已經有埋兩款手工沙律，餐湯，主菜同主食。可樂，係套餐搭配，會搭配埋冰杯，唔錯。慢煮美國封門柳，搭配柚子胡椒醬同越光米飯。封門柳大約5成熟，外面焦香，內裡仲要紅色。食落肉質軟嫩，牛味好香好juice。越光米好高質，米飯煮到粒粒分明，有韌性又好甜。南瓜佃煮同蘋果紫薯球，南瓜綿密香甜，紫薯細膩似甜品多D。酸忌廉煙肉薯仔沙律，酸忌廉唔會好酸，同薯仔都幾搭下。裡面加咗洋蔥同煙肉，味道好豐富。慢煮和牛舌，牛舌勁厚一件，用慢煮方式烹飪牛舌，食落唔會覺得un, 反而覺得軟嫩爽口。稻庭烏冬揀咗昆布木魚湯，烏冬食落好彈牙。木魚湯用咗好多木魚花同昆布煲制，清澈透亮，同烏冬好夾。柚子青瓜漬同和風茄子，青瓜漬酸甜爽口，茄子軟嫩味增味濃，兩款小菜都唔錯。