Starry Night

營業中

休息中

約左同老公就黎左大角咀食兩人套餐，呢間餐廳幾有feel , 裝修都有心思，尤其燈飾方便夠特色，而每張櫈都有餐廳名Starry Night ~ 令人記起一首經典金曲，Starry Starry Night....... 再用上梵高名畫掛牆。2人套餐 $398餐湯，沙律，意大利粉或意大利飯，小食同主菜。Order左杯菠蘿特飲，好重菠蘿香味唔太甜啱我口味。是日餐湯周打蜆湯，Creamy 有薯仔洋蔥粒蜆肉同麵包粒口感豐富！ 前菜經典帕爾馬火腿配哈蜜瓜，哈蜜瓜香甜配鹹香火腿好配搭。小食煙肉芝士薯條，當然有香脆煙肉粒，車打芝士，水牛芝士同酸忌廉，薯條炸得脆略嫌太硬過左火喉。 主菜烤澳洲西冷牛扒 8oz配salad菜同烤香草車尼子，五成熟剛好牛扒厚切，切開食時還流出肉汁，邊位有根位不過有嚼頭牛味濃。 黑松露菌燴飯黑松露香味撲鼻，燴飯好Rich好濃芝士味食幾口有點漏，不過好滿足的。