影片
更多
2021-12-28
334 瀏覽
出黎深水埗買野，順便食個tea啦，近近地去左隔離有間叫檸檬冰室嘅餐廳，見佢個名幾得意咪試下囉，點知…我地兩點廿十分入坐，睇下餐牌，得一張午餐餐牌，唔係咁啱食，問下有無下午茶，店員話兩點半先有，唔會派定餐牌㗎，咁好啦，咪等到夠鐘先囉，無所謂嘅。全餐廳嘅人原來都等緊下午茶，一夠鐘派餐牌好似搶咁，唔係枱枱都派到一張，要等隔離枱叫完先有得睇，唉，點解唔印多幾張呢。坐最後呢張枱，後面係雪櫃，雪櫃前又有個紙箱，每次伙計要去雪櫃拎野就會張個箱推過黎，其實我哋唔介意佢一直擺我地腳邊㗎。啲用具都幾污糟，有啲上手食淨嘅米粉黏住，又多蚊仔，食物到左後仲吸引左隻大烏蠅添。折騰一番後，係兩點九終於落到單。午餐附送嘅紅湯，好大碗，可惜味道偏酸。黑椒汁雞扒飯，塊扒好大塊喎。雞扒煎得香口唔錯呀，黑椒汁就太杰同太鹹，成碟飯一粒伴碟嘅蔬菜都無，顏色差啲。炸手指魚沙律，同我認知嘅手指魚唔一樣。新鮮炸起熱辣辣，個炸魚幾好食喎。沙律係薯仔雜果，勁多雜果，甜甜地好味。熱檸水&華田紅豆冰，個紅豆冰有驚喜，居然係華田沙冰黎再加一堆紅豆上去，幾好飲，不過真係好凍，牙都震埋。味道一般，價錢一般，環境又迫又污糟，服務態度唔好…應該都無乜機
我地兩點廿十分入坐，睇下餐牌，得一張午餐餐牌，唔係咁啱食，問下有無下午茶，店員話兩點半先有，唔會派定餐牌㗎，咁好啦，咪等到夠鐘先囉，無所謂嘅。
全餐廳嘅人原來都等緊下午茶，一夠鐘派餐牌好似搶咁，唔係枱枱都派到一張，要等隔離枱叫完先有得睇，唉，點解唔印多幾張呢。
坐最後呢張枱，後面係雪櫃，雪櫃前又有個紙箱，每次伙計要去雪櫃拎野就會張個箱推過黎，其實我哋唔介意佢一直擺我地腳邊㗎。
啲用具都幾污糟，有啲上手食淨嘅米粉黏住，又多蚊仔，食物到左後仲吸引左隻大烏蠅添。
折騰一番後，係兩點九終於落到單。
午餐附送嘅紅湯，好大碗，可惜味道偏酸。
黑椒汁雞扒飯，塊扒好大塊喎。
雞扒煎得香口唔錯呀，黑椒汁就太杰同太鹹，成碟飯一粒伴碟嘅蔬菜都無，顏色差啲。
炸手指魚沙律，同我認知嘅手指魚唔一樣。
新鮮炸起熱辣辣，個炸魚幾好食喎。沙律係薯仔雜果，勁多雜果，甜甜地好味。
熱檸水&華田紅豆冰，個紅豆冰有驚喜，居然係華田沙冰黎再加一堆紅豆上去，幾好飲，不過真係好凍，牙都震埋。味道一般，價錢一般，環境又迫又污糟，服務態度唔好…應該都無乜機會返轉頭了。
張貼
