品香樓中西風味餐廳

營業中

休息中

聽講石硤尾南山村南山商場有一間餐廳好適合聚會，入邊啲嘢食都好有鑊氣。所以今次嘅聚會就決定約喺呢一度。晚餐時間嚟就需要等位，夜晚嚟講餐廳嘅座位有啲迫夾，所以都唔係好方便放野。呢度嘅嘢食主打鑊氣，火焰蜜椒牛柳粒同埋啫啫芥蘭煲都真係幾吸引。火焰蜜椒牛柳粒上菜嘅時候會點火，所以都好適合影相。甜甜辣辣嘅味道都幾開胃。牛柳都唔會好韌，容易入口又入味。啫啫芥蘭煲都係好有鑊氣，翻炒嘅時候都聞到好香嘅蒜蓉味道，翠綠色嘅芥蘭新鮮。