金玉滿堂

營業中

休息中

FD哩牌唔舒服，話想飲靚湯，揾到哩間鋪頭提供好多款靚湯，咁試試。鋪頭唔大，人氣都好旺，睇落都係街坊。先一人來一盅湯，羊肚菌燉響螺湯，配料好豐富，有雞腳，雞肉，響螺片同羊肚菌，湯飲落就知煲足火候同埋落足料，好清甜。蟲草花燉雞腳湯，比起羊肚菌燉響螺湯黎講，飲落會更甜少少，可能落咗唔少蟲草花同紅棗，好健康。紅燒BB鴿，鴿子炸得脆啵啵，皮脆肉厚。鴿子預先醃制過，唔洗點鹽已經好夠味。豉椒炒花甲，哩份真係不得了，炒得好有鑊氣。花甲冇沙，醬汁少少辣，食落好惹味。分量都幾大下，點食都食唔曬TIM。金玉小炒皇，好特別嘅搭配，有蝦幹，魷魚，腰果，細魚幹同韭菜芯。腰果先炸再炒，食落勁香口，FD食到停唔落口。哩啲鋪頭一般都係街坊幫襯，所以質素真係好高。