影片
更多
2024-10-02
402 瀏覽
今次我地黎尖沙咀呢邊，聽朋友介紹話有間打邊爐環境勁好feel，好有80年代既香港特色，野食都唔錯，叫我要去食，我就信了黎食啦🇭🇰一如朋友所講，環境真係好正，充滿懷舊氣息，餐枱，餐具都係舊款式，最正係佢不停播唔同既懷舊金曲，個音響仲要靚聲，高音準，低音勁😆秘制黃蜆惹味辣雞煲（半隻）（$268）呢個雞煲攞出黎好惹味，d雞汁夠多，煮得都好入味，同時d蜆都好新鮮，一次過滿足曬雞煲同蜆兩個願望，值得一提佢好貼心咁放左塊鐵令個煲唔會痴底，因為通常食雞煲加湯前都有機會痴底🐥龍鳳呈祥牛肉拼盤（細）（$388）呢個拼盤包含唔同部位既牛肉，有牛舌片，手切牛肉，牛胸尖，和牛金錢展，牛肉粒，雪花肥牛，應有盡有，盡中牛胸尖比較特別，好似食緊成塊肥咁，但佢又有d脆口，唔係完全肥膏感覺，我幾鐘意食🐮即制回味五香肉丁餃（6粒）（$78）五香肉丁餃又幾特別，我未食過就叫黎試下，少少辣，但佢就冇粒粒既肉丁口感，似平時既餃，味道就唔錯🐷珊瑚蚌（$138）珊瑚蚌幾新鮮，煮一陣就食得，爽口彈牙，出色😋龍鳳呈祥（豐盛）雜菜拼盤（$138）呢個菜拼盤真係好豐盛，有娃娃菜，油麥菜，蕃茄，蘿蔔，金菇，粟米，滿一滿咁裝黎，多到煮都要分幾
一如朋友所講，環境真係好正，充滿懷舊氣息，餐枱，餐具都係舊款式，最正係佢不停播唔同既懷舊金曲，個音響仲要靚聲，高音準，低音勁😆
秘制黃蜆惹味辣雞煲（半隻）（$268）
呢個雞煲攞出黎好惹味，d雞汁夠多，煮得都好入味，同時d蜆都好新鮮，一次過滿足曬雞煲同蜆兩個願望，值得一提佢好貼心咁放左塊鐵令個煲唔會痴底，因為通常食雞煲加湯前都有機會痴底🐥
龍鳳呈祥牛肉拼盤（細）（$388）
呢個拼盤包含唔同部位既牛肉，有牛舌片，手切牛肉，牛胸尖，和牛金錢展，牛肉粒，雪花肥牛，應有盡有，盡中牛胸尖比較特別，好似食緊成塊肥咁，但佢又有d脆口，唔係完全肥膏感覺，我幾鐘意食🐮
即制回味五香肉丁餃（6粒）（$78）
五香肉丁餃又幾特別，我未食過就叫黎試下，少少辣，但佢就冇粒粒既肉丁口感，似平時既餃，味道就唔錯🐷
珊瑚蚌（$138）
珊瑚蚌幾新鮮，煮一陣就食得，爽口彈牙，出色😋
龍鳳呈祥（豐盛）雜菜拼盤（$138）
呢個菜拼盤真係好豐盛，有娃娃菜，油麥菜，蕃茄，蘿蔔，金菇，粟米，滿一滿咁裝黎，多到煮都要分幾次煮，鐘意食菜既必點🥬🌽🍅
自家製陳年鹹檸七（$38）（買三送一）
鹹檸七做緊買3送1優惠，圍番都算抵，個橙色杯幾過癮，又係舊式feel既產物🥤
呢間餐廳我朋友冇介紹錯，環境同食物都係好好，聽歌聽到唔捨得走，原來佢地21:15後入坐有75折優惠，咁就直頭抵食，生日月又有優惠，做會員又有9折，d優惠多到我都唔知有冇漏，下次黎食book位順便問下先🥳
張貼
