J.moon

同事話公司附近有間網紅店月亮做主題，好浪漫，所以今日放工叫左男朋友出黎一齊去試。餐廳有分室內同半室外，室內天花板有超過160盞波波燈， 而半室外燈光昏暗仲係梳化位，感覺好有情調氣氛。一人一杯mocktail , Pavo ，呢杯主要綠茶加牛奶調製，味道好香， 牛奶味濃厚帶有淡淡綠茶清新香，又唔太甜，上面仲有2粒棉花糖配上小許綠茶粉，好好飲。Andromeda，男友話呢杯飲落好fresh, 帶有淡淡水果既清香味，飲落好清甜開胃。Baked Sausage Platter，上枱時熱辣辣，芝士鹹香美味配皮薄脆帶有香草味既德國腸，滋味滿滿。Truffle Bikini黑松露芝士三文治，入面超多黑松露，配上溶溶地芝士，面個層脆脆地，食唔停口。Octopus leg risotto 意大利飯煮得啱啱好，口感帶有點煙韌，配龍蝦汁好鮮甜入味，加上大大條爽口彈牙既八爪魚腳，好好食。Yuzu pepper chicken pasta意粉口感唔會太硬或太軟，意粉比較粗身，好掛汁，配上柚子胡椒醬汁，味道好特別，帶點酸味又後勁大啲辣辣味道，食得好過癮癮。