好客山東

營業中

休息中

中午經過上環，當然唔好放過好機會，响上環搵好野食啦！原本想去蘇杭街食煲仔飯，不過間舖搬左去石塘咀，唯有再搵其他野食。考慮食山東餃定生滾粥好，最後先經過好客山東又有位，就唔駛諗行左入去坐低啦！3個人眼闊肚窄，叫左5樣野，份量都唔少，每款餃都有10隻，再加埋汽水，最後食唔晒帶走。手絲雞味道幾好，不過D雞太大舊，真係“絲”會更好。排骨麵和擔擔麵都幾好味，份量好足。餃子方面就叫左白菜豬肉餃和鮮魚餃2款。鮮魚餃既質感幾特別，個餡好似“老少平安”咁，冇牙都食到。我個人就覺得太淋，白菜豬肉餃口感較好，亦好鮮味！價錢亦比鮮魚餃平。