麺屋こころ

營業中

休息中

一出西鐵C出口就見到呢間麵屋，平時見好多人食，想試好耐，就入左去快食個lunch.我掙扎咗好耐究竟要撈麵定係要拉麵，但係我見佢介紹嗰度寫佢喺東京以撈麵起家冇理由唔試吓。招牌叉燒撈麵$99自家製撈麵、豬腩、生蛋黃、辣肉碎、蔥花、韭菜、紫菜碎、生蒜及魚粉真係好日本風味🇯🇵，同響日本食一樣。兩塊叉燒好入味，食果陣先戳破蛋黃再完全攪拌配料，手作太麵麵質好有質感，彈牙又掛汁，勁多勁多蔥花同韮菜🤣，食到1/3後加黑胡椒，真係有再提升香氣。食到2/3，加入Kokoro秘製香醋增加醒胃感。其實食到最尾我都飽，不過作為美食foodie，我想試埋追加個迷你白飯😂一麵二食就係咁簡單！我隔籬位個食客（唔識既）係咁讚好食🤤店員仲話如果想食清淡啲既下次可以叫「鹽味撈麵」食到最正宗味道。下次再訪。