添好運點心專門店

營業中

休息中

上次同我細妹來食過，覺得d嘢都好好味，今次啱好有機會就帶埋個friend來試下，呢度環境都係一如既往嘅麻麻地，人多店細，好窄係一定嘅喇，不過都可以坐落飲下茶嘅。蝦餃係我最鐘意嘅點心之一，無論去邊度飲茶都會叫，我自己就覺得呢度嘅蝦餃比唔倒蘭芳園嘅咯，因為我覺得佢嘅皮好厚咯，蝦仁好大顆好新鮮，味道好正，就係卑塊皮大煞風景。鳳爪好好味吖，唔係蒸到好霖嗰种，骨都係有番咁硬下，啱曬我d鐘意吮骨嘅人喇。黃沙豬潤腸，我對豬潤嘅愛真係無得講喇，平時自己都成日會買豬潤來食，呢度嘅豬潤腸真係無得彈吖，好嫩滑，皮又韌韌地，真係好食。桂花糕好睇又好食，凍凍地好啱依家嘅天氣食吖。