影片
更多
2023-03-18
30 瀏覽
今晚約左朋友去旺角鬧市中嘅燒烤店，地點真係好方便。而舖頭環境都好乾淨，座位都好闊落，我地平日6點就入座，唔洗等位，但去到走嘅時候都見到有人等緊啦！食物方面都好多選擇。每台客人入座，佢哋會送上一碟泰式醬，呢碟醬好香，仲要辣度岩岩好，好開胃！1.芝士豆腐食落類似芝士丸，經過燒烤令到外皮脆，更重要係有熱力令芝士變左流心，咬落口好彈牙！2.燒玉子估唔到燒玉子都可以整到咁滑，食落口甜甜地，燒到外皮有微脆，好正！3.金菇肥牛卷出面個層肥牛燒到好香好脆，加埋金菇索嗰啲牛肉汁，一咬落口就好juicy，仲要佢地好細心整到可以一啖放哂入口！4.安格斯牛肋串好重牛味，唔會太韌，食落好爽口！5.鹽燒牛舌串一串有五片真係好夠份量，上面撒左啲黑椒，入口唔會太韌！6.燒日式鱈魚乾呢個係最大嘅驚喜，估唔到都可以燒到好脆好脆，仲有一碟沙律醬配埋，食落就會停唔到口！7.芝士煙肉大啡菇呢個大啡菇都係推薦，佢用燒嘅方式令到煙肉同埋芝士嘅油同汁落左菇裡面，一切開勁juicy，食落都食到佢地落嘅調味唔會太濃，調味岩岩好！8.香煎鵝肝多士（2片）呢份鵝肝油脂分布平均，煎得好香，而多士係食得出落左黑醋同牛油，個口感好多層次，多士可以
今晚約左朋友去旺角鬧市中嘅燒烤店，地點真係好方便。而舖頭環境都好乾淨，座位都好闊落，我地平日6點就入座，唔洗等位，但去到走嘅時候都見到有人等緊啦！
食物方面都好多選擇。每台客人入座，佢哋會送上一碟泰式醬，呢碟醬好香，仲要辣度岩岩好，好開胃！
1.芝士豆腐
食落類似芝士丸，經過燒烤令到外皮脆，更重要係有熱力令芝士變左流心，咬落口好彈牙！
2.燒玉子
估唔到燒玉子都可以整到咁滑，食落口甜甜地，燒到外皮有微脆，好正！
3.金菇肥牛卷
出面個層肥牛燒到好香好脆，加埋金菇索嗰啲牛肉汁，一咬落口就好juicy，仲要佢地好細心整到可以一啖放哂入口！
4.安格斯牛肋串
好重牛味，唔會太韌，食落好爽口！
5.鹽燒牛舌串
一串有五片真係好夠份量，上面撒左啲黑椒，入口唔會太韌！
6.燒日式鱈魚乾
呢個係最大嘅驚喜，估唔到都可以燒到好脆好脆，仲有一碟沙律醬配埋，食落就會停唔到口！
7.芝士煙肉大啡菇
呢個大啡菇都係推薦，佢用燒嘅方式令到煙肉同埋芝士嘅油同汁落左菇裡面，一切開勁juicy，食落都食到佢地落嘅調味唔會太濃，調味岩岩好！
8.香煎鵝肝多士（2片）
呢份鵝肝油脂分布平均，煎得好香，而多士係食得出落左黑醋同牛油，個口感好多層次，多士可以平衡返鵝肝嘅油膩感！
9.芝士雞肉薄餅
一叫薄餅時就以為係pizza，但一上台就脆到佢好似墨西哥餅咁，佢好細心咁幫我哋切開咗四份，每一份都好多芝士同埋雞肉，啲雞肉都好淋，熱辣辣咁食仲有拉絲嘅效果！
10.牛油燒原條粟米
粟米好重牛油味，每咬一啖都好多汁！
11.雞胸軟骨
呢個軟骨部分好爽口，燒完就更香口，一黎就有兩串，30蚊有咁嘅份量好抵食！
今次食咁多野同叫左兩罐飲品都係平均每人200，呢個價錢食到嘅食物質素，真係好抵食！
張貼
