影片
更多
2008-06-16
14 瀏覽
金豬大紅袍 ~ 上菜個陣隻乳豬已經凍左 , 幸好d皮仲係脆卜卜 , 差在比較多肥膏 , 食落有d油。 富貴珊瑚玉帶 ~ 即係西蘭花﹑貴妃蚌加帶子炒 , 整得幾好食 , 西蘭花﹑貴妃蚌都好爽口 , 帶子亦食唔出雪藏味。 發財多子瑤柱甫 ~ 不嬲都唔太鐘意食呢度菜 , 淨係食左少少髮菜同生菜 , 味道比較清淡。 金絲百花芝士球 ~ 本身以為好似平時d炸蟹拑咁樣 , 原來係一粒應該係墨魚丸入面係芝士心 , 外面有一層蛋黃煎香 , 有d驚喜 , 咬落去入面既芝士流出黎感覺好正。 紅燒海皇生翅 ~ 碗翅有蝦所以我冇食到 , 不過見到d湯底唔會稀到好似水咁 , 只係唔多見到魚翅囉 , 哈哈。 福祿玉掌鮮鮑片 ~ 我未食過味道咁怪既鮑片 , 口感好膠 , 響螺片仲好食過呢塊鮑(膠)片呀。 清蒸游水大杉斑 ~ 平時最鐘意食魚既我對呢條魚真係不予置評 , 蒸過籠搞到d魚肉好"up" , 就連魚既面豬位置都好難食。 金都極品燒雞 ~ 唔係掛 , 如果呢隻雞係佢酒樓極品既話 , 就真係冇野好講 , 成隻碟底都係油淋淋 , 而且隻雞好多肥膏 , 見到已經冇哂胃口唔想食。 美滿炒飯 + 幸福伊麵 ~ 鴛鴦炒
金豬大紅袍 ~ 上菜個陣隻乳豬已經凍左 , 幸好d皮仲係脆卜卜 , 差在比較多肥膏 , 食落有d油。
富貴珊瑚玉帶 ~ 即係西蘭花﹑貴妃蚌加帶子炒 , 整得幾好食 , 西蘭花﹑貴妃蚌都好爽口 , 帶子亦食唔出雪藏味。
發財多子瑤柱甫 ~ 不嬲都唔太鐘意食呢度菜 , 淨係食左少少髮菜同生菜 , 味道比較清淡。
金絲百花芝士球 ~ 本身以為好似平時d炸蟹拑咁樣 , 原來係一粒應該係墨魚丸入面係芝士心 , 外面有一層蛋黃煎香 , 有d驚喜 , 咬落去入面既芝士流出黎感覺好正。
紅燒海皇生翅 ~ 碗翅有蝦所以我冇食到 , 不過見到d湯底唔會稀到好似水咁 , 只係唔多見到魚翅囉 , 哈哈。
福祿玉掌鮮鮑片 ~ 我未食過味道咁怪既鮑片 , 口感好膠 , 響螺片仲好食過呢塊鮑(膠)片呀。
清蒸游水大杉斑 ~ 平時最鐘意食魚既我對呢條魚真係不予置評 , 蒸過籠搞到d魚肉好"up" , 就連魚既面豬位置都好難食。
金都極品燒雞 ~ 唔係掛 , 如果呢隻雞係佢酒樓極品既話 , 就真係冇野好講 , 成隻碟底都係油淋淋 , 而且隻雞好多肥膏 , 見到已經冇哂胃口唔想食。
美滿炒飯 + 幸福伊麵 ~ 鴛鴦炒飯凍哂好難食 , 所以我揀左伊麵 , 成晚食得最飽就係呢個 , 雖然伊麵都係有少少油 , 不過好夠味同埋唔會乾身 , 食左兩碗黎頂肚。
甜蜜溫馨 ~ 糖水蓮子紅豆沙 , 唔會太難食 , 只不過蓮子有陣怪味 , 但係又唔識形容 , 好似煲得唔夠腍咁。
鴛鴦晶點 ~ 桂花糕個樣整得好靚 , 味道清香甜味適 ; 芒果布丁係一條鯉魚外形 好精緻 , 冇食到所以唔知味道如何。
最差勁有兩樣野 , 第一樣係呢度上菜既速度真係太慢 , 好多時前場既台已經食哂一道菜 , 後場既台先岩岩上菜 , 等到人到悶哂 ; 第二野就係冷氣超級凍 , 好似去左雪房咁。
張貼